ARESTADO ang dalawang banyaga at kanilang kasabwat na Pilipina nang makuhaan ng P4.08 milyon halaga ng hinihinalang shabu sa buy-bust operation sa Makati City, Martes ng gabi.
Nakilala ang mga naaresto bilang sina Ifeanyi Augustine Chinwueba, 30, ng Nigeria; Antoine Negou Fotie, 40, ng Cameroon; at Pilipinang si Jeneth Fotie, 24, ayon sa ulat ng Philippine Drug Enforcement Agency-National Capital Region.
Ang tatlo ay pawang mga nakatira sa Mabalacat, Pampanga, ayon sa ulat.
Isinagawa ng mga tauhan ng PDEA-NCR Special Enforcement Team at PDEA-Central Luzon ang operasyon sa isang gasolinahan sa EDSA northbound, Brgy. Forbes Park, dakong alas-10.
Nakuhaan ang mga suspek ng apat na paketeng may kabuuang 600 gramo ng umano’y shabu, at narekober sa kanila ang buy-bust money, ayon sa ulat.
Hinahandaan na ang mga suspek ng kasong paglabag sa Comprehensive Dangerous Drugs Law. (John Roson)
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.