P210M jackpot ng Ultra Lotto hindi nasungkit
WALANG tumama sa P210.8 milyong jackpot prize ng Ultra Lotto 6/58 sa bola noong Martes ng gabi.
Ayon sa Philippine Charity Sweepstakes Office walang tumama sa winning number combination na 47-23-31-56-42-01.
Sa bola sa Biyernes ay inaasahan na aabot sa P215 milyon ang jackpot prize. Ang inilalaki ng premyo ay depende sa dami ng tumataya.
Nanalo naman ng tig-P280,000 ang apat na mananaya na nakakuha ng limang numero.
Tig-P3,480 naman ang 389 mananaya na nakaapat na numero at balik ang P24 taya ng 12,066 mananaya na nakatatlong numero.
Ang Ultra Lotto ay binobola rin tuwing Linggo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.