LizQuen level-up ang pagpapakilig: Sana sila na nga forever!

KILIG na kilig Ang mga sumusubaybay sa seryeng Make It With You sa mga eksena nina Liza Soberano (bilang Billy) at Enrique Gil (bilang Gabo/Gabriel) nitong mga nakaraang episode.

Tinanggap na kasi ni Billy na maging mag-partner sila sa Tinapay Corner na pag-aari ni Gabo. Ang dalaga ang magsu-supply ng napakasarap na pudding dahil sa kanya naman talaga ang recipe.

Sa meeting ni Billy sa mga kliyente para ipatikim ang pudding ay biglang dumating si Gabo na hindi dapat kaya nagkagulatan ang dalawa at dito nalaman ng binata na ang dalaga pala ang guardian angel niya noong nasa Croatia siya na halos mamatay na sa gutom pero hinagisan siya ng mansanas ng babaeng nakasuot ng asul na sandals.

Dito naikuwento ni Gabo sa kanyang tita Jessica (Pokwang) kung ano ang nagawa ni Billy sa buhay niya noong walang-wala siya sa Croatia.

Samantala, muling nagkita sina Gabo at Billy sa birthday party ng boss ni Khalil Ramos na abogado rin.

Nakiusap si Isputnik sa kababatang si Billy na magpanggap na girlfriend sa party para patunayang hindi siya bading dahil nga tinutukso na siya ng mga kapwa abogado dahil single pa rin siya.

At bilang pagtanaw ng utang na loob sa batang abogado matapos siyang tulungan noon sa kaso nito laban sa Villarica na may-ari ng Tinapay Corner ay pumayag siya.

Nasa party naman si Gabo bilang representative ng tatay niyang si Ian Veneracion (Ted Villarica) na bagong kliyente ng law firm habang ang karelasyon naman nitong si Rio (Katarina Rodriguez) ay naroon din dahil ang lolo naman niya ay matagal ng kaibigan at kliyente ng may-ari ng law firm.

Halata nina Liza at Enrique na pareho silang may nararamdaman pa rin sila sa isa’t isa pero kailangan nilang pigilan dahil may karelasyon na ang huli.

Sa kabilang banda ay nahahalata na ni Rio na laging balisa at wala sa sarili si Gabo kaya pilit nitong tinatanong kung ano ang problema ng hanggang sa nakilala na niya si Bily at inaming nagkakilala sila noong nasa Croatia sila. Hindi lang malinaw kung umamin ang binata na naging sila noon.

Anyway, may back story pala ang kuwento ni Gabo pag-alis niya ng Croatia nang hindi nagpapaalam kay Billy dahil nga may kinalaman ito sa problema nilang mag-ama. At bago pala siya umalis ng Croatia ay may kinausap na siya para sa libreng scholarship ni Billy sa Paris para maging mahusay na chef bukod pa sa pagbibigay ng napakalaking halaga para sa gastusin ng dalaga.

Abangan ang mga susunod na eksena sa Make It With You dahil marami pang twists and turns ang mangyayari.

Samantala, wish naman ng LizQuen fans na sila na nga ang magkatuluyan sa huli dahil bagay na bagay sila.

Lagi raw nilang ipinagdarasal na sa simbahan na humantong ang kanilang relasyon.