Aktor naghihirap na, pati gamit sa bahay ibinebenta

NAGHIHIRAP na ba sa buhay ang isang kilalang aktor? Balita kasing isa-isa na nitong naibebenta ang kanyang mga personal na gamit.

Tsika ng aming source tungkol sa sikat na aktor, “Kinukulang na sa pinansiyal si ____ kaya ibinebenta na na ang mga gamit niya, actually pati mga gamit sa bahay nila. Ang dami kasi nilang dapat bayaran, alam mo na.”

Nabanggit sa amin na kung anu-ano ang mga ibinebenta ng aktor at pawang hindi pa pala gamit ‘yung iba dahil bigay ng mga sponsor niya at ‘yung iba ay isa o dalawang beses lang naisuot.

“’Yung ibang gamit sa bahay, mamahalin, pero kailangan nilang i-let go kasi lilipat na sila sa mas maliit na bahay, di ba nga binebenta ang bahay kasi ang mahal ng binabayaran monthly isama pa ang bills at maintenance,” sabi pa ng source namin.

Sentimental kaming tao kaya nakalulungkot na ang mga naipundar mong gamit ay ibebenta mo, okay lang ang mga bigay ng sponsors kasi hindi mo naman pinaghirapang bilhin.

Pero sabi nga kapag gipit ka, kakapit ka talaga sa patalim. Sana makabawi ang aktor sa lahat ng pinagdadaanan niya ngayon.