KOREAN word of the week: “Mannaseo cham bangawoyo” – sa Ingles ito’y “I am very happy to meet you” at sa Tagalog naman ay “Masaya akong makilala ka.”
* * *
Makalipas ang halos tatlong taon, mapapanood muli ang Korean superstar na si Park Hae Jin sa bagong Korean drama na “Forest”. Magsisimula na ito sa Enero 29.
Huling napanood si Hae Jin sa action-comedy drama na “Man to Man” noong 2017.
Ang “Forest” ay tungkol sa muling pagdiskubre ng dalawang tao sa kasiyahan ng buhay mula sa lubos na sakit at paghihinagpis nang sila ay napilitang manirahan sa misteryosong gubat.
Kasama ni Hae Jin dito ang promising actress na si Jo Bo Ah. Bumida si Bo Ah sa seryeng “My Strange Hero” noong 2018.
Gaganap si Hae Jin bilang Kang San Yeok, miyembro ng special rescue team habang si Bo Ah naman ay si Jung Young Jae, isang surgeon.
Unang nakilala si Hae Jin bilang supporting actor sa mga drama series na My Love from the Star (2013) at Doctor Stranger (2014). Bumida naman siya sa mga drama series na Bad Guys (2014), Cheese in the Trap (2016) at Man to Man (2017).
Noong Nobyembre, 2019, bumisita sa bansa si Hae Jin para sa kanyang fan meeting sa Araneta Coliseum.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.