Duterte sa pamunuan ng ABS-CBN: Ipagbili ninyo na ‘yan
RODRIGO DUTERTE
TAHASANG sinabihan ni Pangulong Duterte ang pamunuan ng ABS-CBN na ipagbili na ang network sa harap naman ng napipintong pagtatapos ng prangkisa nito sa Marso.
“Itong ABS mag-expire ang contract ninyo. Mag-renew kayo, ewan ko lang kung may mangyari sa inyo,” sabi ni Duterte sa kanyang talumpati matapos bumisita sa mga biktima ng lindol sa M’lang, Cotobato.
“Ako pa sa iyo, ipagbili na ninyo ‘yan. Kasi ang Piliipino ngayon lang makaganti sa inyong kalokohan. And I will make sure that you will remember this episode of our times forever,” dagdag ni Duterte.
Nakatakdang magtapos ang prangkisa ng ABS-CBN sa Marso 30, 2020.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.