NAHULOG sa bangin sa Matnog, Sorsogon ang isang bus ng Eagle Star na papunta ng Guian, Eastern Samar Lunes ng tanghali.
Kinumpirma ang insidente ni Police Maj. Malou Calobaquib, ng Police Regional Office-V (PRO-5), na sinasabing minamaneho ang bus (8186) ng isang Felix Calipes.
Base sa inisyal na imbestigasyon, nawalan ng kontrol si Calipes habang binabagtas ang pakurbang bahagi ng pababang kalsada.
Wala namang nasawi sa insidente, bagamat maraming pasahero ang nagtamo ng mga bahagyang galos.
Dinala ang mga pasahero sa ospital habang nasa kustodiya na si Calipes ng Matnog Municipal Police Station.
Base sa mga litrato ng mga netizens sa social media, nakatulong ang mga sanga ng puno para hindi tulungang mahulog ang bus pababa ng bundok.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.