Kathryn, Arjo pinatunayan ang pagmamahal kay Ria: I’m so kilig!

MULING pinatunayan ng Box-office Queen na si Kathryn Bernardo ang pagiging super supportive BFF sa kanyang kaibigang si Ria Atayde.

Kahit busy sa kanyang showbiz commitments, talagang naglaan siya ng oras para suportahan ang latest project ni Ria, ang bagong iWant series na “Manilennials”. Halos magkasabay na dumating si Kathryn at ang kapatid ni Ria na si Arjo Atayde sa ginanap na presscon at special screening ng “Manilennials” sa The Pop Up sa Katipunan.

“Thank you. I’m so kilig. I’m very fragile as a person so nakakakilig na nandito sila. This is actually a material that I’m proud about so I’m happy that they are here to see it,” ani Ria nang hingan ng reaksyon sa suporta ng kapatid at kaibigan.

Humarap si Ria sa entertainment media at bloggers kasama ang iba pang cast ng “Manilennials” na sina Fifth Solomon, Chai Fonacier, Nicco Manalo at Mela Franco Habijan. In fairness, lahat sila ay pinuri ng audience na nakapanood sa ilang episodes ng bagong iWant series dahil sa makatotohanan nilang pagganap sa kani-kanilang character.

Ang “Manilennials” ay kuwento ng limang magkakaibigang millennials na may kani-kanyang personalidad at humaharap sa iba’t ibang hamon ng buhay. Siguradong makaka-relate ang lahat ng makakapanood nito dahil sa mga eksenang totoong nangyayari araw-araw sa ating mga buhay. Sumentro ang ilang episode ng programa sa ilang LGBTQ issues, illegal drugs at iba pang socially-relevant problems.

Sabi nga ng transgender na si Mela na talaga namang agaw-eksena sa kanyang mga ganap sa serye lalo na ang mga pambabastos at panglalait sa kanya sa kuwento, “It’s a story about five friends who are strunggling here in Manila, finding their space here. And above all, it’s really talking about the realities that we face everyday.”

Para naman kay Chai who’s playing Yeye in the series, “I believe that the entertainment media is not just here to entertain people or to make people forget about their problems. One of its function is also to educate, at least informally educate people. So storytelling is a way to get people to talk about the issues that we are supposed to be talking about.” Iba rin ang mga pasabog ni Chai rito na tiyak ding magmamarka sa mga manonood.

Pahayag ni Fifth na gumaganap bilang si Kiko na isa ring bading, “Mahalaga ang ganitong klaseng series kasi marami pa ring klase ng tao na parte ng sektor na hindi nagiging parte. Marami pa ring indibidwal na wala pa ring karapatan sa society na ito. So maganda na mapanood natin ito.

“Also, makikita natin dito ‘yung different issues na minsan ay nagiging bulag tayo, nagiging bingi tayo, pero dito maipapakita ito — mahirap sa mayaman, karapatan na hindi naibibigay sa LGBT people, mga stigma at marami pang iba, especially struggles and stereotypes when it comes to millennials,” aniya pa.

Sey naman ng kanilang direktor na sina E. Del Mundo at Joshua Lim So, ang “Manilenniels” ay isang “unfiltered, dark comedy original series, which depicts the challenges and social issues that millennials in Manila get to face on a daily basis. Here, Fifth, Chai, Nicco, Mela and Ria play as five friends navigating their ambitions, identities, and values while finding themselves, ith the busy and colorful rollercoaster ride that is Manila as their backdrop.”

Pwede nang mapanood ang “Manilennials” for free sa iWant app (iOs and Android) o sa iwant.ph mula sa Barrio Dos at Spring Films.