ARESTADO tatlo katao nang makuhaan ng P40.8 milyon halaga ng hinihinalang shabu sa buy-bust operation sa Parañaque City, Biyernes ng gabi, ayon sa Philippine Drug Enforcement Agency.
Nadakip ang target ng operasyon na si Hamodine Ibrahim, isang 26-anyos na tricycle driver; at mga kasabwat niyang sina Datunot Magelna, 22, at Eric Musa, 20, sabi ni Joel Plaza, direktor ng PDEA-National Capital Region.
Isinagawa ng mga miyembro ng PDEA-NCR Eastern at Southern district offices, at Parañaque City police, ang operasyon sa Isabelle Grand Villas, Brgy. Moonwalk, dakong alas-8:30.
Nasamsam sa operasyon ang ilang pakete na may aabot sa kabuuang 6 kilo ng hinihinalang shabu, tatlong cellphone, isang identification card, tatlong itim na “eco bag,” itim na plastic bag, at ang buy-bust money.
Hinahandaan na ang mga suspek ng kasong paglabag sa Comprehensive Dangerous Drugs Law, ani Plaza.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.