Pambato ni Gatchalian solo champion sa November 2019 World Pitmasters Cup
Sa 399 entry na lumahok sa November edition ng World Pitmasters Cup, tanging ang Monarch GF ni Atty. Felix Gatchalian lamang ang nakakuha ng perpektong 9.0 puntos para tanghaling solo champion ng pinakamalaking stagfest ng bansa.
Nangibabaw ang pambato ni Gatchalian sa 51 entry na pumasok sa grand finals noong Sabado sa Newport Performing Arts Theater of Resorts World Manila.
Nag runner-up finish naman ang mga entry nina Orly Arbolante/Atty. Edgar Santos (Orlando Magic 114), a tRey Briones (Spartans Anito) na parehong may 8.0 puntos.
Sinundan ito ng mga kalahok nina Ojie Villangca/ Bambe / Mayor Codilla (Heneral Buratchie 1966-Don Yagit/Viva Apo Kristo), Rey Cañedo/ Chris Sioson (Rc Davao Warriors CP 2), Pol Estrellado (Sta. Cruz Farm 1), Bullet Morales (Epingepngop), at Bokal Rod Satos/ Chris Bulakan (Wynn Lukas) na may tig-7.5 puntos.
Naghati-hati ang mga top finishers ng World Pitmasters Cup sa P32 Million cash prize na nakalaan.
Samantala, kasado na ang January 2020 edition ng World Pitmasters Cup 9-Cock International Derby na gaganapin din sa Newport Performing Arts Theater of Resorts World Manila.
Ang elimination round ay mag-uumpisa sa January 29 at ang grand finals ay itinakda sa February 12, 2020.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.