NAMAMAGA ang mukha ng Kapamilya singer na si Janine Berdin. Kitang-kita yan sa ilang litratong ipinost niya sa Instagram.
May ilang nagkomento na baka raw nagparetoke siya kaya biglang lumobo ang kanyang pisngi at may nagsabi naman na kamukha na niya si Chuckie sa pelikulang “Child’s Play.”
Dahil dito, nagsalita na ang Tawag Ng Tanghalan Season 2 grand champion tungkol sa kanyang pinagdaraanan. Aniya, kailangan niyang magpahinga muna sa kanyang singing career matapos ma-diagnose ng Cushing’s Syndrome.
Ito rin ang dahilan kung bakit hindi na siya masyadong napapanood sa It’s Showtime at ASAP Natin ‘To. Pahayag ni Janine sa kanyang Instagram post, nagkaroon siya ng Cushing’s Syndrome dahil sa pagiging overexpose sa cortisol o steroids habang ginagamot ang kanyang vocal nodules.
“Early September nalaman po namin na may vocal nodules po ako, kaya kinailangan ko pong maging exposed sa cortisol or steroids para gumaling ito. Dahil po sa gantong exposure ng cortisol, nagkaron po ako ng Cushing’s Syndrome and am currently being treated for it,” paliwanag niya.
Sabi pa ng 17-year-old Cebuana singer, namamaga ang kanyang mukha dahil isa ito sa side effect habang ginagamot ang Cushing’s Syndrome.
“Kaya po namamaga ang mukha ko hehe hindi po ako nagparetoke at alam ko po na hawig ko na tuloy si Chuckie (laughing with tears emoji) at least hindi na ako mukhang undin di ba? Charot!”
“On a more serious note po, sumali ako sa Tawag ng Tanghalan to inspire everyone by doing what I love to do—that is singing. If my voice will be compromised, mas masakit yun for me.
“Mas masakit yun kesa sa mga masasakit na salita niyo dahil hindi kayo nagagandahan sakin or natatabaan kayo sa mukha ko.
“Now, as I learn to become a more respectful daughter, I can say that it is still my craft which I want to be the best at. I give my respect to all artists who don’t just easily conform.”
Patuloy pa niya, “With everything said, I hope you forgive me if I am not visually up to par with your standards anymore or ever since; you can unfollow me, but I will still sing. And I will never stop singing. Because that is what I want, what I have hoped for, and I am.”
“Thank you din po sa mga buttercups ko, I miss you guys as well! just as much, actually—even more! At alam kong medyo weird ito: pero thank you sa mga bashers ko! Actually, isa kayo sa mga reasons talaga kung bakit sinisipagan kong magpagaling, Hahaha!” lahad pa ni Janine.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.