#BuDaKhel kumasa sa hamon ni Luis sa ‘I Can See Your Voice’
LUIS MANZANO, MICHAEL PANGILINAN, BUGOY DRILON AT DARYL ONG
ISA na namang espesyal na episode ng I Can See Your Voice ang magpapasaya sa inyong Sabado night.
Hosted by Luis Manzano, masusubok ang galing sa pagkilatis ng tunay na see-nger at mga seen-tunado ang tatlong pambatong male singer ng Kapamilya Network.
Makakasama ni Luis at ng mga Sing-vestigators sa episode tonight ng ICSYV sina Michael Pangilinan, Daryl Ong at Bugoy Drilon, o mas kilala sa tawag na #BuDaKhel.
Sa teaser pa lang ng episode ngayong gabi ng ICSYV talagang tawang-tawa na si Luis sa mga paandar ng mga Sing-vestigators na kinabibilangan nina Wacky Kiray, Bayani Agbayani, Alex Gonzaga at Andrew E.
Game na game ring nakipagharutan at nakipaglandian sina Bugoy, Michael at Daryl kay Wacky na siguradong ikaloloka n’yo. Abangan n’yo rin ang mga bagong hugot ni Bayani na ibinahagi niya sa mga celebrity guests ng ICSYV.
Kaya huwag na huwag aabsent sa favorite tambayan ng madlang pipol tuwin Sabado ng gabi, ang I Can See Your Voice pagkatapos ng Maalaala Mo Kaya sa ABS-CBN lang.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.