Sugar umamin na sa rason ng pag-alis sa Wowowin
SUGAR MERCADO
“Mahal na mahal ko siya!” ‘Yan ang diretsahang pahayag ni Sugar Mercado patungkol kay Willie Revillame.
Bumalik na ang TV host-comedienne sa Wowowin ni Willie at sa panayam ng GMA ibinandera niya kung ano ba talaga ang tunay na dahilan ng pag-alis niya noon sa programa.
Ayon kay Sugar, napakahirap maing single mom kaya inuna muna niya ang pag-aalaga sa dalawang anak,
“Inasikaso ko muna, inayos ko muna. Nagpaalam naman ako ng maayos kay Wil. Pinayagan naman niya ako, na welcome ako makabalik, ganu’n. Kaya sobrang thankful ako. And ‘yung pagbalik ko pa, sobrang laki. Sobrang nakaka-excite, nakaka-proud talaga.”
“Sobrang thankful ako kay Wil, kasi syempre ‘di ba, sa lahat ay lagi siyang nagbibigay ng chance. Pag kailangan talaga ng tao ‘yung tulong, tutulong talaga siya. At saka kahit hindi ako, kahit ibang tao handa siyang tumulong.
“Bukas ‘yung dalawang kamay niya, ‘yung mga palad niya para tumulong sa lahat ng nangangailangan.
Kaya thankful ako sa pagtulong niya sa pamilya at mga anak ko. Mahal na mahal ko siya, at mahal na mahal namin siyang lahat,” aniya pa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.