Dingdong tagumpay sa 2019 Berlin Marathon: Pero ang totoong finish line ay naghihintay sa bahay
DINGDONG DANTES
NAKATUTUWANG tingnan ang picture ni Marian Rivera sa Instagram habang katabi ang panganay na anak na si Zia at kandong naman ang bunsong si Ziggy.
Ito ang eksena habang nagtsi-cheer silang mag-iina para sa Kapuso Primetime King na si Dingdong Dantes para sa pagsali nito sa 2019 BMW Berlin Marathon. Hindi nakasama si Yan sa laban na ito ng asawa dahil sa kanilang mga anak.
Caption ni Marian sa kanyang IG post, “Cheering for dada all the way from Manila to Berlin! Congratulations in advance and we’re super proud of you!!!”
Pauwi na ngayon si Dong mula sa nasabing international sports event. Naging bahagi rin ng marathon ang ilan pang Pinoy celebrities tula nina Kim Atienza at Tim Yap.
Ang pag-uwi naman sa kanilang bahay ni Marian ang totoong finish line para kay Dong ayon sa kanyang IG post pagkatapos ng marathon.
“Our four-month journey ends tomorrow. I may not have crossed the finish line yet but I already feel like a winner because I had trained with these awesome and inspiring fellows,” ang bahagi ng kanyang post bago magsimula ang laban.
“Pero ang tunay na finish line ay nag aantay sa bahay. Tumpak! I’ll be home soon my loves. This is it!” sey pa ni Dingdong.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.