3 Kapuso actor nabiktima sa TBATS; Mika ‘nahuli’ ng guard sa ukay-ukay

BOOBAY AT TEKLA

ANO ang gagawin mo kung makakakita ka ng isang sikat na artista na nagnanaaw sa isang ukay-ukay store?

Yan ang nakakalokang eksena ng Kapuso youngstar na si Mika dela Cruz sa “Pranking in Tandem” segment ng paborito n’yong tambayan tuwing Linggo ng gabi, ang The Boobay And Tekla Show sa GMA 7 nina Super Tekla at Boobay. Alamin kung ano ang magiging reaksyon ng security guard kapag nahuli niya sa akto si Mika.

Eeksena naman sa naughty and controversial “Feeling the Blank” segment ang mga Kapuso actors na si EA Guzman, Yasser Marta at Mark Herras.

Sigurado namang maiihi kayo sa katatawa sa “Hoy Playboy”, ang parody ng viral story tungkol sa isang feeling pogi na nahuli ng kanyang dyowa na may ipa pang mga babaeng kinakalantari. Tekla plays the role of the playboy while Boobay, his vengeful sweetheart.

It’s going to be a wild “TBATS on the STREET” as everyday people get to imitate various animal sounds. Idagdag pa ang pagganap bilang manghuhula nina Tekla at Boobay sa nakakalokang “TBATS Horoscope” featuring some members of the studio audience asking about their “kapalaran.”

Napapanood pa rin ang The Boobay And Tekla Show tuwing Linggo ng gabi after Kapuso Mo, Jessica Soho mula sa GMA Network’s Entertainment Group.