Alden lumebel sa mga Korean drama stars, bidang-bida sa kilalang K-pop culture site
ALDEN RICHARDS
Feeling Oppa naman si Alden sa latest pictures niya sa Instagram kung saan makikitang nakasuot siya ng costume ng isang Koreano.
Kahit maiksi lang ang pananatili niya sa Seoul, South Korea, naging memorable naman ang pagbiyahe niya roon at nangakong babalik sa bansang nagbigay sa kanya ng Star Prize dahil sa husay niya bilang aktor.
Samantala, isa rin ang Pambansang Bae sa mga featured stars ng Korean pop culture site na Soompi.
Sa article at photo gallery na kanilang inilabas tungkol sa red carpet looks ng Seoul Drama Awards 2019 makikita ang Kapuso aktor na talaga namang umaapaw ang kaguwapuhan with his dark blue na suit.
Ang Seoul Drama Awards 2019 ay ginanap nitong Aug. 28 sa Grand Peace Hall, Kyung Hee University, kung saan nga pinarangalan si Alden ng Asian Star Prize. Ilan sa mga nakasama ni Alden ay mga kilalang personalities ng South Korea tulad nina Ji Chang Wook, Jang Na-ra, Kim Nam-gil, Lee Chae-young at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.