TATLO ang tumama sa jackpot prize ng Mega Lotto 6/45.
Ayon sa Philippine Charity Sweepstakes Office ang mga tumama ay tumaya sa Sipac-Almacen, Navotas City, Kalayaan Village, Pasay City, at Jaro, Iloilo City.
Paghahatian ang tatlo ang P8.9 milyong jackpot prize matapos nilang makuha ang winning number combination na 07-25-04-23-11-08.
Nanalo naman ng tig-P7,620 ang 77 mananaya na nakakuha ng limang numero.
Tig-P190 naman ang 2,425 mananaya na nakakuha ng apat na numero.
Balik naman ang P24 taya ng 27,403 mananaya na nakatatlong numero.
Ang premyo na mahigit P10,000 ay pinapatawan ng 20 porsyentong buwis.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.