Mega niregaluhan ng lechon ni Robin bilang peace offering: OK na tayo, di ba?!

CIARA SOTTO, ROBIN PADILLA AT SHARON CUNETA

ISANG lechon ang naging peace offering ni Robin Padilla sa kanyang ex-girlfriend at dating ka-loveteam na si Sharon Cuneta.

Sa pamamagitan ng kanyang Instagram account, ibinalita ng Megastar na okay na uli sila ni Binoe at wala na siyang tampo sa action star.

Tuwang-tuwa nga ang singer-actress nang padalhan siya ni Robin ng lechon kamakailan kaya agad niya itong ipinost sa kanyang IG.

Dito nga niya sinabi na burado na ang tampo at sama ng loob niya sa mister ni Mariel Rodriguez dahil sa hindi nito pagdalo sa kanyang 40th showbiz anniversary concert noong 2018.

“Thank you, @robinhoodpadilla for the lechon. Okay na tayo di ba, and you didn’t have to! But thank you,” ang maikling caption ni Mega sa kanyang IG post.

Naikuwento rin ni Sharon sa kanyang followers ang pagkikita ng pinsan niyang si Ciara Sotto at ni Robin sa isang event na kanilang dinaluhan kamakailan.

“Buti nagkita kayo ng kapatid kong si Ciara. And buti di ka niya nadeadbol nung sinakal ka niya hahahaha! Thanks again. God bless,” sey ni Mega.

Ang tinutukoy ni Sharon ay ang litratong ipinadala ni Ciara sa kanya kung saan makikita na sinasakal kunwari nito si Robin.

Caption ni Sharon sa nasabing photo, “Huwag na galit Nene! Okay na kami noon pa! Hahaha! Cute ng sister kong si Ciara. She saw @robinhoodpadilla last night & sent me this. Kakatawa kayo! Love you, sis.”

Sumagot naman si Ciara sa post ni Mega, “Ok na Ate! Namiss ka daw niya nakita niya Clip ng movie niyo sa event kagabi! Hahahaha! Hindi ko na sasakalin.

“Ok na Kuya @robinhoodpadilla!” pahabol pa nito.

Kung matatandaan, nagtampo si Sharon kay Binoe nang hindi man lang daw ito nag-reply sa imbitasyon niya para maging guest sa 40th anniversary concert niya noong Sept. 28, 2018.

Sa pamamagitan naman ng Instagram humingi ng tawad si Robin sa “napakabigat” niyang “kasalanan at pagkukulang” sa kanyang Ma’am Sharon.