ISANG batang lalaki ang dinukot kaninang umaga sa kahabaan ng Taft Ave. sa Ermita, Maynila ng isang lalaking sakay ng pick-up truck.
Base sa inisyal na ulat ng pulisya, naglalakad ang biktima sa kahabaan ng Taft Ave., kanto ng Padre Faura st. ganap na alas-9:30 ng umaga nang biglang sumulpot ang isang Ford Ranger malapit sa kanya.
Idinagdag ng pulisya na sapilitang pinapasok ng lalaki ang biktima sa loob ng sasakyan at agad na umalis papuntang northbound sa kahabaan ng Taft Ave.
Hindi pa malinaw kung ilan ang sakay ng sasakyan, ayon sa pulisya.
Nagsasagawa na ng operasyon ang Manila Police para mahanap ang trak at ang batang lalaki.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.