Matteo kinilabutan nang muling makita si Digong: Grabe ang suporta niya sa sundalo

MATTEO GUIDICELLI AT RODRIGO DUTERTE

Sinampolan na si Matteo Guidicelli ng Viva boss na si Vic del Rosario, ang kanyang manager ngayon.

Tinawag ni Boss Vic si Matteo na Tusok Ulo o Ranger Bow nang mag-report siya sa Viva office dahil handa na uli itong magtrabaho ngayong tapos na ang training niya sa military partikular na sa pagiging Scout Ranger.

Unti-unti nang tumutubo ang buhok ng binata at sa harap nga ni Boss Vic ay nagpasampol siya ng tinawag niyang #TusokUlo kung saan ang ulo niya ay nakasayad sa sahig.

Bago bumalik sa reyalidad, nagkaroon ng pagkakataon ang boyfriend ni Sarah Geronimo na ma-meet uli si President Rodrigo Duterte nang dumating ito sa Camp Navarro General Hospital sa Zamboanga City.

Binisita ni PDigong ang sugatang sundalo at sa Twitter account ng Panay News, nakuhan nito ang pagbati ni Matteo nang dumating siya sa ospital.

Nag-post ang binata sa kanyang Facebook account kung saan ibinahagi niya ang labis na paghanga sa Pangulo, nakita raw kasi niya kung paano nito pinahahalagahan ang mga sundalong Pinoy.

“Yesterday July 3, 2019 — I had the honor and privilege of accompanying The Commanding General of the Philippine Army LT Gen Alberto to visit our troops in Jolo, Sulu.

“I personally witnessed President Duterte award medals to our wounded soldiers that were victims of the bombing incident. ‘I salute you!’ The president said to each wounded soldier.

“I have to be honest and say I had goosebumps! The love, support and respect he gives to our men and women in uniform is beyond words,” ang FB status ng aktor.

Kung matatandaan, unang nakausap ni Matteo si Pangulong Duterte noong Abril, ilang araw pagkatapos niyang magpa-enlist sa Army Reserve Command ng Philippine Army.

Samantala, ang promotions naman ng pelikula niyang “Mina Anud” with Dennis Trillo and Jerald Napoles ang isa sa mga haharapin niya ngayon.