Kathryn bagong version ni Bea, kahit kanino itambal winner
KATHRYN BERNARDO AT BEA ALONZO
May kilig ang full trailer ng “Hello, Love, Goodbye” nina Alden Richards at Kathryn Bernardo. Ngayon pa lang ay inaawitan na kami ng passes ng aming mga kaibigan, pero kung wala raw, magbabayad na lang sila sa sinehan sa darating na July 31.
Sa aming panukat ay parang batang Bea Alonzo si Kathryn na kahit kanino ipareha ay siguradong benta ang proyekto. Iba ang talento ng dalagang ito, bigay na bigay ang kanyang pagganap, biniyayaan din siya ng mga matang kailangang-kailangan ng mga artista para magtawid ng kanilang emosyon.
Panalung-panalo ang tambalan nila ni Alden Richards, wala nang kaduda-dudang pipilahan ang kanilang pelikula, bubuhayin nila ang sinasabing malagihay na pagtanggap ng mga kababayan natin sa mga nakaraang pelikulang ipinalabas.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.