Sharon, Regine excited nang magsama sa project: Concert o pelikula?
REGINE VELASQUEZ AT SHARON CUNETA
MAGSASAMA sa isang dream project sina Megastar Sharon Cuneta at Asia’s Songbird Regine Velasquez.
Pero walang kinumpira si Shawie sa kanyang Instagram account kung pelikula ba ito o concert.
Sa IG post ni Shawie, kasama niya sa litrato si Regine at sa hashtag niya, nakasaad ang #seeyouinoctober.
Na-excite naman ang IG followers ni Shawie sa kanyang good news. Ayon sa mga Sharonians kung anuman daw ang project ng dalawa ay talagang pag-iipunan nila.
Siyempre, mas madaling pagsamahin sa concert sina Sha at Regs kesa pelikula. Eh, marami ang nag-aasam na mapanood silang pareho sa isang concert stage pero dahil malaking gastusin ang kailangan, walang nangahas na producer na pagsamahin sila.
Naku, isang malaking venue ang kailangang pagtanghalan kung concert nga ang project nina Sharon at Regine, huh!
At kung movie naman ito, siguradong pag-iipunan talaga ito ng fans nina Mega at Regine.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.