Park Seo Joon may pasabog sa movie na ‘The Divine Fury’
PARK SEO JOON
Muli namang mapapanood sa big screen ang Korean superstar na si Park Seo Joon sa kanyang upcoming thriller film na The Divine Fury.
Kwento ang The Divine Fury ng isang champion fighter na si Yong Hu (Seo Joon) kung saan makikilala niya ang exorcist na si Ahn Sin Bu (Ahn Sung Ki). Magtatambal sila para labanan isang makapangyarihang evil.
Maagang mauulila sa ama si Yong Hu at isang araw madidiskubre niya ang kakaibang marka sa kanyang kamay. Magtataglay si Seo Joon ng divine power para labanan ang makapangyarihang evil force.
Kasama rin dito ni Seo Joon ang Korean heartthrob na si Woo Do Hwan.
Reunited naman si Seo Joon sa director ng kanyang huling movie na “Midnight Runners” na si Kim Joo Hwan. Nakatakdang mapanood sa Hulyo ang The Divine Fury.
Kabilang sa mga hit Korean drama ni Seo Joon ang Kill Me, Heal Me (2015), She Was Pretty (2015), Hwarang: The Poet Warrior Youth (2016–2017), Fight for My Way (2017), and What’s Wrong with Secretary Kim (2018), at ang film na “Chronicles of Evil” (2015) at “Midnight Runners.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.