Gary V dumepensa sa ‘kaso’ ni Shanti Dope sa PDEA, ‘Amatz’ walang konek sa drugs

HINDI kinukunsinti ng Organisasyon Ng Pilipinong Mang-aawit (OPM) ang mga Pinoy singer na gumagamit ng ipinagbabawal na gamot.

Ayon kay Gary Valenciano, isa sa mga opisyal ng OPM, aware siya na may mga performer na talagang gumagamit ng “substance” at nagiging “high” bago mag-show.

Natanong si Mr. Pure E-nergy sa nakaraang presscon ng Circuit Makati EVOLT International Dance Festival 2019 na magsisimula sa June 2 tungkol sa planong pag-ban ng Philippine Drug Enforcement Agency (PDEA) sa kantang “Amatz” ng sikat na rapper na si Shanti Dope.

Ayon sa PDEA, tila tumutukoy ang salitang “amatz” sa lyrics ng kanta sa epekto ng marijuana sa gumagamit nito. Sabi ni Gary, bilang bahagi ng OPM ayaw nilang pakialaman ang freedom of expression ng mga Pinoy singers, composers at songwriters.

“Shanti, actually kind of expressed what he meant by it. But because of his language and his lingo, it may mislead people to think otherwise.

“But he was saying, it came from him himself, that he said, ‘it’s not what I’m saying.’ Tinutukoy lang niya na ‘eto ‘yung ginagawa ng iba pero ‘yung sa akin, iba ‘yung amatz ko,’” paliwanag ni Gary.

Nabasa na niya ang kabuuang lyrics ng “Amatz”, “Pero wala naman akong napansin na he is encouraging to use drugs. Now, with regards to the freedom of expression, whate-ver is in the constitution, that needs to be followed. I mean, it’s there, di ba?

“Once you start limiting what people can say in a song, what’s to stop anybody from limiting people expressing themselves in other ways – in movies, in what you write, in what we tweet, in what we put on Instagram, in what we put on Facebook. It might create a domino principle,” aniya pa.

Paliwanag pa ni Gary, maaaring iba na rin kasi ang language ngayon ng millennials o Gen-Z na ginamit ni Shanti sa kanyang kanta kaya hindi posibleng hindi na ito naiintindihan ng ibang tao.

“And we need to be careful to limit them in expressing themselves our way because that’s just not the way it goes.

“OPM believes in the freedom of expression but we do not condone the use of any substance. Being artists, we know that there are many artists, even abroad, that use substances to carry themselves through but we don’t stand for that. We will never condone that,” paliwanag pa ng Kapa-milya singer-TV host.