Bistek payag maging alalay nina Willie at Vice Ganda
HERBERT BAUTISTA
KAHIT patapos na ang term ni Mayor Herbert Bautista bilang mayor ng Quezon City, sunud-sunod pa rin ang inauguration ng mga projects na nagawa niya.
Last Tuesday, pinangunahan ni Mayor HB ang inauguration at turn-over ceremony ng bagong ipinatayong bulding ng Flora Ylagan National High School sa Malakas St., Barangay Pinyahan, QC. Special guest ang Department of Education Secretary Leonor Briones at sinaksihan din ito ng officials ng barangay, eskuwelahan at Councilor Hero Bautista.
“I’m very much fulfilled kasi ‘yung nine years ko as Mayor, 12 years ko as Vice Mayor, ‘yung 6 years ko as councilor, total 33 years, nag-ambag tayo sa unti-unti pag-unlad ng ating lungsod. I’m very much happy!” pahayag ni Mayor HB.
Hindi pa niya alam kung ano ang next move niya after ng termino niya sa QC, “I hope magkaroon ako ng trabaho sa entertainment industry. Doon kami lumaki.
“Nakakatuwa, si Harlene, is doing well as producer. I think may ginagawa silang dalawang projects ngayon. Hopefully after my term, may mga projects na pumasok na babagay sa akin na puwede naming i-produce or may offers or meeting with any television network,” saad ni Mayor Bistek.
Gusto rin niyang balikan ang hosting, “Ire-rehearse ko muna ang hosting ko sa maliliit na okasyon or sa TV. Puwede akong maging alalay ni Willie Revillame sa Wowowin o ni Vice Ganda.
“Tingin ko naman, ang karanasan ko bilang artista, nandiyan pa naman!” pahayag pa ni Bistek.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.