KC emosyonal nang mapanood sina Lea, Eva at Princess sa Yellow Rose: Na-miss kong umarte
KC CONCEPCION
“NAMI-MISS ko na ang umarte!”
‘Yan ang namin ni KC Concepcion matapos mapanood ang international movie ng dalawang Filipina actress na sina Lea Salonga at Eva Noblezada.
Isa si KC sa mga naimbitahan sa ginanap na US premiere ng “Yellow Rose” na siyang naging opening night film sa 35th Los Angeles Asian Pacific Film Festival (LAAPFF).
Ang “Yellow Rose” ay kuwento ni Rose (Eva), isang Pinay na mula sa Texas na nangangarap maging singer ngunit nanganganib na ma-deport. Si Lea ang gumaganap na Gail, ang tiyahin ni Eva na may problema rin sa immigration.
Ito rin ang nag-uwi ng Grand Jury Award for outstanding North American narrative feature sa 35th LAAPFF, ayon sa isang website report.
Nag-post si KC sa kanyang Instagram account ng kanyang litrato na kuha sa world premiere ng nasabing pelikula at dito nga niya nasabi na miss na miss na niya ang umarte sa harap ng mga camera.
“Was this REALLY Eva Noblezada’s first film she’s incredible and I am now officially a fan!!!
“Happy to have been invited to the ‘Yellow Rose’ world premiere here in LA… the film that took the audience on a ride with its soulful, beautiful, funny, true Filipino-American nature that fits right into the mainstream.
“This film doesn’t even feel foreign, nor heavy, even as it tells the story of the pains and woes of an immigrant Filipino family that is forcefully torn apart. Sooo good!!! Tagos sa puso!
“@msleasalonga & Ms. Princess Punzalan are the Philippine actors in it too. Watch it, by all means, if you see it showing near you! Nakakamiss ang #buhaypelikula,” ani KC.
Sa isa pang post ng anak ni Megastar Sharon Cuneta, mapapanood ang mapangahas na eksenang ginawa niya para sa pelikulang “Boy Golden” na naging official entry sa 2013 Metro Manila Film Festival.
“Did someone say CAMP? (Scene as Marla Dee in 2013 Philippine film ‘Boy Golden’ – Rated R. @chitorono @dcarlomen Viva Films),” caption ng dalaga sa kanyang video post. Dito makikita si KC habang nagse-sexy dancing with matching hawak-hawak sa kanyang boobs.
Sabi niya sa caption, “Because I’m in the M O O D Ohh man I’d play fierce roles like her again and again… Nang dahil sa #MetGala2019 napa post ako nito eh! Namimiss ko na umarte ha!!!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.