Pia Wurtzbach sa back-to-back win ng Pinas sa 2019 Miss U: I think we can do it
HINDI imposibleng magkaroon ng back-to-back win ang Pilipinas sa Miss Universe ngayong 2019.
‘Yan ang positibong sagot ni Miss Universe 2015 Pia Wurtzbach nang tanungin kung maiuuwi muli ang korona at titulo ng magiging kandidata natin sa 2019 Miss U.
“If Venezuela did it a few years back, I think we can do it also. Kasi wala namang rule diyan. I’ve been a judge before and they don’t ever tell us na, ‘By the way winner was from South Africa so make sure…,’ walang ganu’n,” ang pahayag ni Pia sa panayam ng ABS-CBN.
Samantala, magsasanib-pwersa naman si Pia at si 2018 Miss Universe Catriona Gray para sa kauna-unahang benefit gala ng Miss Universe Philippines na gaganapin sa bansa.
Ito’y bilang bahagi na rin ng plano ng Miss Universe organizers na maging mas visible ang international pageant sa Pilipinas.
“The Philippines wants to see more about the candidates. We are taking them to Boracay and to Vigan,” ayon kay Richelle Singson-Michael, Co-chairperson ng Miss Universe Philippines.
Going back to Pia, tuwang-tuwa rin ang beauty queen-actress sa ginanap na national costume photoshoot ng Bb. Pilipinas 2019 candidates na naging trending topic din online. Magandang bentahe raw ito ng mga kandidata para mas ma-expose at mapansin ng international media.
“I remember we didn’t get to have a national costume photoshoot during my year. You know these photos online, they go a long way. Nakakarating ‘yan sa ibang bansa, nakakarating ‘yan sa press ng iba’t ibang bansa,” kuwento ni Pia.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.