Angel personal na dumalaw sa puntod ng ‘first love’ para batiin ng ‘happy birthday’
HANGGANG ngayon ay hindi pa rin nakakalimutan ni Angel Locsin ang kanyang ex-boyfriend na si Miko Sotto, anak ng Kapuso TV host-radio anchor na si Ali Sotto.
Nitong nakaraang May 10, personal na dinalaw ni Angel ang puntod ni Miko para sa paggunita ng 37th birthday nito.
Sa kanyang Twitter account, ipinost ni Angel ang litrato ng puntod ng yumaong aktor na may caption na, “Happy birthday, Miko! RIP.”
Pumanaw si Miko noong madaling araw ng Dec. 29, 2003. Aksidente siyang mahulog mula sa 9th floor ng tinitirhang condominium sa Mandaluyong City. Siya ay 21 years old noon.
Ilan sa mga patunay na hanggang ngayon ay nasa puso pa rin ni Angel si Miko na aniya’y first love niya, ay ang pagdalaw ng aktres sa puntod ng binata noong Dec. 29, 2013, ang 10th death anniversary ni Miko.
Noong May 10, 2016 ay nag-post din si Angel sa kanyang social media account ng birthday message para kay Miko. Aniya, “Happy birthday Mikolet steady ka lang dyan.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.