PINUSUAN ng mga netizens kabilang na ang ilang celebrities ang “transformation” photo ng sikat na YouTube content creator and beauty guru na si Bretman Rock.
Kilalang-kilala ngayon sa social media si Bretman dahil sa kanyang mga pasabog at paandar sa YouTube, lalo na ang kanyang bonggang-bonggang selfie at make up tutorials kung saan nakakasama pa niya ang ilang mga sikat na artista.
Ang 20 year old Hawaii-based Pinoy social media sensation ay proud na proud din sa kanyang pagbabagong-anyo. Sa kanyang Instagram account, ibinandera uli ni Bretman ang kanyang “before and after” photo.
Nilagyan niya ito ng caption na, “I really grew into my face because I don’t even know who the person is on the left and why her brows are far apart.”
Ilan sa mga local celebrities na nag-like at nag-comment sa litrato niya ay sina Asia’s Pop Sweetheart Julie Anne San Jose at TV host Bianca Gonzales.
Noong July, 2018, unang nag-post si Bretman sa IG ng video kung saan nakadetalye ang kanyang transformation, mula sa kanyang buhok hanggang sa kanyang katawan.
Nag-ingay din sa social media ang make up artist nang regaluhan niya ng house and lot ang kanyang inang si Mercedita.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.