Iza: Dapat palitan na ang costume ni Darna, mahirap lumaban nang naka-bikini

IZA CALZADO AT PIA WURTZBACH

Para kay Iza Calzado, dapat nang palitan ang sexy costume ni Darna. Sa panahon ngayon, hindi na raw dapat pinagsusuot ng bikini ang Pinay superhero.

“It’s so hard kasi naka-bikini siya. Palitan na kasi ang costume!” ang sabi ni Iza sa panayam ng Headstartsa ANC.

Hirit pa niya, “Kailangan ba talagang naka-bikini si Darna? Si Wonder Woman nga naka-one piece, Gal Gadot na ‘yon. Captain Marvel’s in a full suit.”

Hindi rin daw siya interesadong gumanap na Darna sa pelikula after ngang mag-resign ni Liza Soberano, “Not that I want it, but you know it’s something that could possibly widen the choices because not everybody will be comfortable (wearing that costume).”

“It’s hard to hit that perfect Darna body that they want. In my opinion kasi, it’s hard to fight justice in a bikini. Kasi there’s a lot of injustice that could happen, hindi ba?” aniya pa.

Kung matatandaan muntik nang gumanap na Darna sa serye ng GMA si Iza hanggang sa mapunta nga ito kay Angel Locsin, “That’s my story. I was asked to be Darna even before Angel was asked.”

Dugtong pa niya, “Let us not forget that I have lost a hundred pounds, my body is not a conventional body.”

Pero kung may isang Kapamilya actress na handang mag-bikini para sa “Darna”, yan ay walang iba kundi si Pia Wurtzbach.

“Oh Yeah, of course! If I find out that they’re open to have me audition, then I’m going to try. Why not?” aniya.

“Kung papalarin na ibibigay sa akin ‘yung role na Darna, tatanggapin ko. I will work hard, I will train, I will attend workshops. Ibibigay ko lahat ng lakas ko,” dagdag pa niya.