PBB Otso housemate sinuwerte pagkalabas ng Bahay ni Kuya

KASAMA na ang newcomer na si Seth Fedelin sa panghapong seryeng Kadenang Ginto base na rin sa ipinost ng Dreamscape Entertainment business unit head na si Deo Endrinal.

Makakasama na ng baguhang young actor sa serye sina Andrea Brillantes, Kyle Echarri at Francine Diaz.

Makaka-loveteam nga kaya ni Seth si Andrea sa kuwento? ‘Yan ang dapat abangan ng mga manonood.

Isa pang sinusuwerte itong si Seth dahil kahit maaga siyang nawala sa Pinoy Big Brother Otso, heto kaliwa’t kanan na agad ang ginagawa niya sa outside world.

Bukod sa kasama siya sa digital movie nila ni Beauty Gonzales na ididirek ni Kip Oebanda ay heto’t may regular show na siya agad sa ABS-CBN.

Marami ring out of town shows si Seth tulad sa Abril 23 with Jin Macapagal asa Pangasinan, Abril 27 kasama ang ilang PBB Teens sa Zambales at Abril 28 sa Bohol.

Pinagpapala itong si Seth bilang breadwinner sa kanilang pamilya dahil ang tatay niya ay nagkaroon ng sakit pero maski paano ay pinipilit nitong magtrabaho bilang caretaker sa isang swimming pool sa Cavite.

Sabi rin ng taga-production, mabait at marunong makisama si Seth kaya gustung-gusto nila ang bagets.

Sana nga ay matupad ng binata ang lahat ng kanyang pangarap para patuloy niyang matulungan ang pamilya na umaasa sa kanya.