Kakai, Lovely, Joross, Maymay pasok sa KathDen movie
KATHRYN BERNARDO AT ALDEN RICHARDS
PASOK ang mga komedyanteng sina Kakai Bautista at Lovely Abella sa pelikula nina Kathryn Bernardo at Alden Richards.
Lumipad na ang Kapuso comedienne kamakailan papuntang Hong Kong kasabay sina Kakai, Jorross Gamboa at Maymay Entrata. Sa HK kukunan ang halos kabuuan ng KathDen movie.
In full swing na ang shoot para sa nasabing pelikula sa direksyon ni Cathy Garcia Molina. Chilax-chilax lang naman si Alden sa mga litrato na naglalabasan ngayon sa social media na kuha sa HK. Baka nasa stage ng “Hello” pa lang sila base sa title ng pelikula na “Hello, Love, Goodbye.”
Babalik si Alden sa Pilipinas bago ang Easter Sunday para sa opening ng sarili niyang food chain franchise.
Saka mahalaga sa Pambansang Bae ang paggunita sa Holy Week dahil isa rin siyang Sagrado Katoliko na matindi ang pananalig sa Diyos.
Anyway, mapapanood pa rin si Alden bukas sa Sunday PinaSaya Holy Week special. Kung ang ibang mainstays ay magdadrama sa Dramarama segment, magre-referee naman siya kina Barbie Forteza at Mika dela Cruz na sasabak naman sa pagra-rap.
q q q
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.