Erik Matti na-shock sa akting ni Sharon sa Kuwaresma: Wow! Grabe siya umiyak!

ERIK MATTI AT SHARON CUNETA

NALOKA si direk Erik Matti sa working attitude ni Sharon Cuneta sa una nilang pagsasama sa horror movie na “Kuwaresma” under Reality Entertainment.

Bago ang take, chika-chika talaga si Shawie sa production staff na parang hindi pa handa sa kanyang eksena.

Pero pag nag-count down na ang director para sa take na, 3, 2, 1, pasok agad sa Megastar ang kanyang character niya.

Saad pa ng premyadong director, “‘Yung pag-iyak niya, parang gripo ang tears sa mata niya. At alam ni Sharon kung kailan niya patutuluin ang luha niya! Wow!”

Tinaguriang epic collaboration nina Sharon, John Arcilla (na gaganap bilang husband ni Mega sa movie) at Erik Matti ang “Kuwaresma.”

First horror movie rin ito ni Sharon and after ng biggest movie ng director na “Buy Bust” last year, tumodo talaga ang Reality Entertainment sa project na ito to give the public the scariest local film to date.

Eh, nang ilabas sa social media ang teaser ng “Kuwaresma”, pawang positibong komento mula sa netizens ang nabasa namin. Nag-promise din ang mga Sharonians na panonoorin nila ang “Kuwaresma”.

“I’m thrilled. Super excited and I can’t wait to watch #KUWARESMA,” comment ni Albert Chan Paran.

“Next horror film na panonoorin natin. Ha ha ha. Mas matindi ang direktor nito,” sabi naman ni Jose Angelo.

“The MULTI MEDIA MEGASTAR…never cease to amaze the Filipino audience. There is only ONE MEGASTAR – SHARON CUNETA – the last of her kind in Pinoy biz,” sabi ni JR Mendo.

“Grabe buong pamilya ko dadalhin ko talaga to watch that movie,” ayon naman kay Monching dela Vega.
Sa totoo lang, ibinuhos din ni Shawie ang buong puso niya sa movie lalo na’t una nila itong pagsasama ni direk Erik.

This is also special para kay Mega dahil first time nga siyang sasabak sa horror kaya siguradong magugulat ang manonood sa mga eksena niya.

Pagkarating na pagkarating sa kanyang US and Canada 40th Year Tour, akyat agad siya sa Baguio upang tapusin ang natitirang araw ng shooting.

Mother’s Day presentation ng Reality Entertaiment ang “Kuwaresma” at sa pelikula, ramdam na ramdam ang pagiging ina ni Shawie and she is at her best sa lahat ng kanyang eksena.

Sabi nga sa amin, halos lahat ng kanyang scenes sa movie ay puro highlights lalo na ‘yung may mga gulat factor.

Kagabi naman inilabas ang full trailer ng “Kuwaresma” na pinusuan agad ng maraming netizens.