Anak ni Jay Manalo nabiktima ng matinding sunburn
BINALAAN ng aktor na si Jay Manalo ang mga magulang sa matinding epekto ng sobrang init ngayon sa kanilang mga anak, lalo na ngayong summer season.
Ito’y matapos mabiktima ang kanyang anak na babae ng “sunburn” kung saan namaga pa ang pisngi at mga mata nito.
Sa kanyang Instagram account, ipinost ni Jay ang before and after photo ng kanyang anak. Grabe ang tinamong sunog ng mukha ng bata. Kaya ang advice ng aktor dapat mas maging maingat ngayon lalo na kapag nabibilad sa araw.
“Kaya payo ko lang po ingatan po na ‘wag masyado maarawan ang mga anak n’yo ngayong summer… best time is 8 to 10 am and 3:30 pm onwards.
“Kahit gaano kadami ang sun block na i-apply n’yo po masyado na mapanakit ang araw, kahit sa mga adults. Ingat po.
“Thank you, Lord, for fast healing of my lovelove daughter,” caption ni Jay sa litrato ng kanyang anak.
Isang netizen naman ang nagsabi na baka raw na-allergy lang ang bagets sa ginamit na sunblock.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.