Hit Korean romcom na ‘My Sassy Girl’ mapapanood na sa GMA 7
MAGKAAWAY na naging mag-partner, iibig sa isa’t isa?
Simula ngayong Lunes, inihahandog ng GMA Heart of Asia ang hit Korean romantic comedy drama na My Sassy Girl.
Nagsimula ang lahat nang hindi inaasahang magkakilala sina Mr. Handsome Scholar, Gyun Woo (Joo Won), at si Sassy Princess, Hye Myung (Oh Yeon Seo), na napahamak na naman ng kanyang kalasingan.
Dahil walang choice si Gwun Woo kundi tulungan si Hye Myung, dinala niya ito sa hotel hanggang mawala ang kalasingan.
Pero nang magising ito, napagkamalan niyang pinagsamantalahan siya ni Gyun Woo, at dito na nagsimula ang mala-aso’t pusang away nila, hanggang sa maging appointed master of the Prince si Gyun Woo.
Kasabay nito ay ang ilang mga hindi inaasahang pangyayari na magtutulak sa kanila na magkasamang harapin ang mga ito.
Samahan sila sa kakaiba at nakakakilig nilang love story sa My Sassy Girl, Monday to Friday, simula March 25, 9:20 AM sa GMA Network.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.