Artificial water shortage nararanasan sa Metro Manila-Palasyo

SINABI ng Palasyo na minamadali na ang ginagawang imbestigasyon sa nangyayaring problema sa suplay ng tubig sa Metro Manila kasabay ng paggiit na artificial water shortage lamang ang nararanasan.

Sa briefing, sinuportahan ni Presidential Spokesperson at Chief Presidential Legal Counsel Salvador Panelo ang naging pahayag ni Defense Secretary Delfin Lorenzana na wala namang kakulangan sa suplay ng tubig sa bansa.

“Because if the source is puno, and another concessionaire has puno also. Eh bakit naman iyong isa hindi. Iyon ang logic doon,” sabi ni Panelo.

Idinagdag ni Panelo na sa group chat ng mga miyembro ng Gabinete, pinalutang ni Lorenzana ang posibilidad na artificial water shortage ang nararanasan.

“Ang gist noong sinasabi ni Secretary Lorenzana eh doon sa kaniyang chat na the water comes from Angat Dam and there is no shortage doon; as far as that particular dam is concerned – puno, walang kulang, so bakit nagkakakulang iyong distribution. So gaya ng sinabi ninyo kanina, kulang iyong ibinigay iyong allocation dito sa parte ng Maynila. Eh iyon ang sigurong alamin natin bakit, ba’t nagkaganoon,” ayon pa kay Panelo.

Kasabay nito, sinabi ni Panelo na aaksyunan ng Department of Trade and Industry (DTI) ang nangyayaring over pricing sa mga ibinebentang ipunan ng tubig.

“Siyempre, kasi iyong mga affected areas siyempre bibili ng timba… I will ask DTI kung anong ginagawa nila,” sabi ni Panelo.

Ani Panelo mananagot ang mapapatunayang naging dahilan ng problema sa suplay ng tubig sa Metro Manila.