Para sa may kaarawan ngayon: Mahirap magmintina ng isang masarap na relasyon. Ngunit kung iisiping nagkaka-edad ka na, magagawa mo. Sa pinansiyal, bigla ang dating ng maraming pera. Mapalad ang 4, 9, 27, 31, 39 at 41. Mahiwaga mong mantra: “Kalil-Homa-Japa-Om.” Yellow at blue ang buenas.
Aries – (Marso 21-April 19) — Mahirap mawalan ng pera, kaya sa sandaling gumanda ang income, matutong mag-savings. Sa pag-ibig susuwertehin ka sa pakikipag-relasyon sa isang nagkukunwaring tahimik na Sagittarius ngunit may sinasabi ang kabuhayan. Mapalad ang 3, 12, 27, 32, 39 at 49. Mahiwaga mong mantra: “Santosha-Yamas-Pranidhana-Om.” Lilac at pink ang buenas.
Taurus – (April 20-May 20) — Parating na ang suwerte, kaya mas okey kung iiwasang sumimangot! Kung laging nakangiti, ngingiti rin ang magandang kapalaran. Sa pag-ibig may isang naka-red ang palihim na humahanga sa iyong taglay na kagandahan. Mapalad ang 2, 7, 19, 28, 34, at 49. Mahiwaga mong mantra: “Aum-Shiva-Om-Durga” Red at black ang buenas.
Gemini – (May 21-June 21) — Kahit malamig ang panahon, magpakasipag, gawing mabilis ang mga bagay na iniisip mo, upang ikaw ay umunlad. Sa pag-ibig, isa isantabi muna ang puso, salapi ang higit na mas mahalaga! Mapalad ang 5, 14, 19, 27, 41 at 45. Mahiwaga mong mantra: “Visnu-Veda-Vedya-Om.” Blue at green ang buenas.
Cancer – (June 22- July 22) — Kung sadyang nagigipit sa salapi, hindi masamang humingi ng tulong sa isang kaibigang Scorpio. Sa pag-ibig, sabihin sa kasuyo ang iyong mga dinadalang problema, malaki ang maitutulong nya. Mapalad ang 2, 7, 15, 22, 34 at 43. Mahiwaga mong mantra: “Trik-Padha-Vik-Bhuti-Om.” Maroon at green ang buenas.
Leo – (July 23 – August 22) — Panatiliin ang pagsusuot ng kaakit akit na damit. Sa pag-ibig higit na nakakikilig ang susunod na pagniig. Sa pinansiyal, biglang magbabayad ng hindi inasahan ang isang dating may utang. Mapalad ang 4, 12, 27, 36, 42 at 47. Mahigawa mong mantra: “Thaanam-Bhavalam.” Yellow at gold ang buenas.
Virgo – (August 23 – September 22) — Sa araw na ito may sopresang matatanggap, na sobrang ikagagalak. Sa pag-ibig, mamayang gabi, habang nilalamig may masarap na romansang mararanasan. Kinabukasan, malaking halaga ng salapi ang iyong mahahawakan. Mapalad ang 5, 14, 23, 33, 42 at 49. Mahiwagang mantra: “Graha-Dosya-Jawala-Om.” Silver at pink ang buenas.
Libra – (September 23-October 23) — Sa taong ito ng 2019 mag-alaga ng kahit na anong uri ng hayop upang suwertehin, puwede ring mga halaman ang iyong alagaan. Sa pag-ibig, regaluhan ang kasuyo ng isang halamang bilugan ang dahon upang kapwa kayo suwertehin. Mapalad ang 6, 15, 23, 26, 43 at 49. Mahiwaga mong mantra: “Naikarma-Nirguna-Om.” Blue at red ang buenas.
Scorpio – (October 24 – November 21) — Sa taong ito ng 2019 baguhin ang style ng buhok. Sa mahabang buhok susuwertehin ka na sa pag-ibig at pinansyal. Kung carry mo, mag-lagay na rin ng kapirasong tattoo sa dibdib na maliit na aguila kaya’y kahit anong uri ng ibon na basang basa sa ulan. Mapalad ang 3, 18, 21, 27, 34, at 48. Mahiwaga mong mantra: “Arham-Nama-Jnana-Om.” Magenta at pink ang buenas.
Sagittarius – (November 22 – December 21) — Tama ang naisip mong maglakbay. Sa ibayong dagat may magandang kapalarang naghihinaty. Higit kang uunlad sa pangingibang bansa. Sa pag-ibig, kung ikaw ay isang babae siguradong may sasakyan ang iyong mapapangasawa. Mapalad ang 1, 4, 13, 22, 28, at 49. Mahiwaga mong mantra: “Satura-Sahatma-Om.” Lilac at purple ang buenas.
Capricorn – (December 22 – January 19) — Lumayo sa sinilangang bayan upang yumaman. Sa pag-ibig, habang naghahanap-buhay sa malayong lugar mami-meet mo na ang iyong true love. Mapalad ang 1, 19, 24, 39, 42 at 47. Mahiwagang mong mantra: “Om-Jai-Om-Shari-Om.” Beige at maroon ang buenas.
Aquarius – (January 20 – February 18) — Sa pag-ibig mas mabuting makuntento na sa kasalukuyang minamahal wag ng isipin pa ang nakaraan. Sa pinansyal, sumosyo sa kaibigang Gemini o kaya’y Libra. Mapalad ang 4, 17, 18, 25, 33, at 41. Mahiwaga mong mantra: “Agla-Aum-Aum.” Violet at blue ang buenas.
Pisces – (February 19 – March 20) — Upang yumaman, magpataba ka! Ang mga taong may bilugang pagmumukha at matataba ang higit na yumayaman kung ikukumpara sa mga payat! Sa pag-ibig, wag mag alala, sa panahon ngayon marami na ang nagkakagusto sa mga matataba. Mapalad ang 2, 7, 19, 27, 33 at 45. Mahiwaga mong mantra: “Krisna-Krisna-Rama-Rama.” Green at yellow ang buenas.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.