Jean binuhay ang alaala nina Claudia at Eduardo sa 18-year challenge photo

HASHTAG #WalangNagbago challenge ang paandar ni Jean Garcia sa “then and now” photo nila ni Tonton Gutierrez sa Instagram.

In fairness, sa halip na 10 taon lang, ginawa pa itong 18-year challenge ni Jean dahil nga ang ipinost niyang litrato nila ni Tonton together ay kuha pa noong magtambal sila sa teleseryeng Pangako Sa ‘Yo ng ABS-CBN.

Itinabi naman dito ng Kapuso actress ang photo nila ni Tonton na kuha sa pictorial nila para sa afternoon series sa GMA na Ika-5 Utos na isa sa mga top-rating programs ngayon sa telebisyon.

Nilagyan ito ni Jean ng caption na, “Kung may #10yearchallenge,…may #18yearchallenge kame ni Eduardo/Claudia at Emil/Eloisa, love and light to everyone!!! Peace. #tontonguiterrez #challengeaccepted.” Ang tinutukoy na Eloisa at Emil ni Jean ay ang mga karakter nila sa Ika-5 Utos.

Puro positive ang comments ng netizens sa IG photo ng dalawa sa mga bida ng Ika-5 Utos, puring-puri nila ang dalawang award-winning Kapuso stars dahil halos walang pinagbago ang kanilang itsura.

Komento ni @chiko_1977, “Namiss ko tuloy Ang pangako sayo!!! Luv the team of Claudia and Eduardo!”
Chika naman ni @call_me_nhicko, “Awwwww! Grabeh sila!!!! Paano po ba yu guys didnt even aged!! Not even a single lines on forehead… hay… lucky @chic2garcia #tontongutierez!”

Sey ni @yhing_villafuerte, “Kaya sobrang idol kita Ms Jean. Grabe cgurado na ako ngaun that you have a YOUTH OF FOUNTAIN. Share naman jan. Hehehe. Yab you Eloisa and Emil!”

“Jusko! Parang mas bumata kapa ngayon lalo Jean @chic2garcia!” comment ni #caburnation.

Papuri naman ni @05_katz, “Parang wala naman po pinagbago. The original Eduardo and Claudia wala po makakapantay sa inyo.”

Chika ni @meriammarymaria, “Mas lalo pang kayo naging maganda at gwapo Miss Jean at Sir Ton biruin mo after 18 years wow grabe.”

Samantala, patuloy pa ring humahataw sa ratings game ang Ika-5 Utos nina Jean, Tonton, Gelli de Belen, Valerie Concepcion, Jake Vargas, Jeric Gonzales, Klea Pineda at marami pang iba.

Mas lalo pang tumindi ang mga eksena ngayon dahil hindi alam nina Eloisa at Emil na buhay pa rin si Clarisse (Valerie) at ito ang nasa likod ng mga kamalasang nangyayari sa buhay nila. Bukod dito, desidido na si Kelly (Gelli) na itodo na ang paghihiganti kay Eloisa.

Narito naman ang komento ng ilang netizens na walang sawang sumusubaybay sa Ika-5 Utos. Sabi ni @nhitz08celso01, “Halaaaaa naloka na ata c Kelly!!! Pero im sure magkakabati pa rin cla ng beshie nyang si Eoisa. Ang gagaling nyo po lahat sobra. #ILUKaso.”

Chika ni @kim_mellanie08, “Always the best po! Susubaybayan po namin yan until the end… pero wish ko pa rin po ang extension ng #ika5utos. @chic2garcia @lorereyes1 @gmanetwork @gmadrama.”

Napapanood pa rin ang Ika-5 Utos pagkatapos ng Asawa Ko Karibal Ko sa GMA Afternoon Prime.