Award-winning actor Yeo Jin Goo doble-kara sa ‘Crowned Clown’
KOREAN word of the week: “O di ye yo” – “Where is the…?” ito sa Ingles o “Nasaan ba?” sa Tagalog. Partikular itong ginagamit kung may hinahanap.
q q q
Nagsimula na noong Enero 7 ang bagong Korean series ng award-winning actor na si Yeo Jin Goo na The Crowned Clown, kasama si Lee Se Young.
Kuwento ito ng isang hari (Jin Goo) na nag-uwi sa palasyo ng isang clown na kamukhang-kamukha niya para makaiwas sa assassination. Marami ang gustong magpapatay sa kanya dahil sa kanyang kasamaan.
Habang ka-double ng hari, mai-in love siya sa magandang reyna na si Queen Yoo So Woon (Se Young). Base ang Korean drama na ito sa 2012 film na “Masquerade”.
Nagsimula si Jin Goo bilang child star at bumida na sa maraming serye kabilang ang Into The World Again, Jackpot at Orange Marmalade.
Sumikat naman nang husto si Se Young sa kanyang pagganap sa Hwayugi na pinagbidahan ng Korean superstar na si Lee Seung Gi na ipinalabas pa sa ABS-CBN. Tumatak ang papel ni Se Young sa Hwayugi bilang isang zombie.
Napanood din si Se Young sa The Gentlemen of Wolgyesu Tailor Shop at Vampire Detective.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.