ABS-CBN naghari sa buong 2018; trono ni Coco sa primetime walang nakaagaw | Bandera

ABS-CBN naghari sa buong 2018; trono ni Coco sa primetime walang nakaagaw

|January 12,2019
facebook
share this

ABS-CBN naghari sa buong 2018; trono ni Coco sa primetime walang nakaagaw

- January 12, 2019 - 12:25 AM

ABS-CBN ang pinakapinanood na network noong 2018 pagdating sa paghatid ng makabuluhang balita at kwentong puno ng aral matapos magkamit ng average audience share na 45%, ayon sa datos ng Kantar Media.

Buong taong tinutukan sa bawat sulok ng bansa ang ABS-CBN, partikular na sa Mega Manila sa pagtala nito ng average audience share na 36%, at maging sa Metro Manila sa pagrehistro nito ng 42%.

Nanguna rin ang ABS-CBN sa Total Luzon sa pagtala nito ng 40%; sa Total Visayas sa pagkamit nito ng 53%; at sa Total Mindanao sa pagrehistro nito ng 52%.

Kinakatawan ng Kantar Media ang 100% ng mga manonood ng telebisyon sa buong bansa sa paggamit nito ng nationwide panel size na 2,610 na urban at rural homes.

Namayagpag din ang ABS-CBN sa listahan ng pinakapinanood na programa nitong 2018 – 16 sa programa nito ang nakapasok sa top 20, sa pangunguna pa rin ng FPJ’s Ang Probinsyano (41.2%) ni Coco Martin.

Kasama rin sa listahan ang Pilipinas Got Talent (38.1%), Your Face Sounds Familiar Kids (33.3%), Bagani (31.8%) nina Liza Soberano at Enrique Gil, La Luna Sangre (31.4%) nina Kathryn Bernardo at Daniel Padilla, TV Patrol (30.5%), Ngayon At Kailanman (28.8%), MMK 25 (27.2%), at The Kids’ Choice (26.2%).

Nanguna rin noong 2018 ang Wansapanataym (25.7%), Home Sweetie Home Walang Kapares (23.4%), Wildflower (23.3%), Home Sweetie Home (23.2%), Halik (22%), Meteor Garden (21.6%), at Rated K (19.8%).

Samantala, tinutukan din ang ABS-CBN sa bawat time blocks noong 2018, partikular na sa primetime block sa pagtala nito ng 49%.

Panalo rin ang Kapamilya Network mula Enero hanggang Disyembre sa morning block (6 a.m. to 12 noon) sa pagrehistro nito ng average audience share na 38%; sa noontime block (12 noon to 3 p.m.) sa pagkamit nito ng 44%; at sa afternoon block (3 p.m. to 6 p.m.) sa pagtala nito ng 43%.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending