Alden 8 years na sa showbiz, AlDub Nation may ‘throwback pasabog’
SUMAKTO sa eight anniversary ni Alden Richards sa showbiz ang paglipat ng Eat Bulaga kahapon sa bago nitong APT Studios sa Cainta, Rizal.
Bumaha ng pagbati sa Twitter para kay Alden gamit ang hashtag na #8YearsWithAlden.
Inalala ng fans ang mga unang taon sa showbiz ng Pambansang Bae na sa loob ng walong taon sa trabaho eh, napanatili ang dedikasyon sa kanyang propesyon, pagiging humble at mabait sa lahat ng taong nakakasalamuha niya.
Eh, dahil malaking inspirasyon kay Alden ang yumaong ina, ‘yung iba niyang fans ay anak na rin ang turing sa kanya dahil sa sipag at kabaitang taglay mula noon hanggang ngayon.
Samantala, abala naman ang AlDub Nation sa pagtu-tweet kahapon gamit ang hashtag na #ALDUBatAPTStudios. Mahigit na isang milyong tweets na lang ang kulang at maa-achieve na nila ang target na 1 billion tweets, huh!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.