Kris, Jo Berry nagsanib-pwersa para sa women empowerment
MAY bagong business na papasukin ang Kapuso actress na si Kris Bernal, ang “You Got It Girl.”
Tampok sa pinakabagong proyektong ito ni Kris ang mga Filipina at ang kanilang mga kwento na magsisilbing inspirasyon para sa women empowerment. Ilan sa mga kababaihang featured sa Instagram account ng project ni Kris ay ang Onanay actress na si Jo Berry at Asia’s Next Top Model 6 finalist Jach Manere.
Strong woman din ang role ni Kris sa GMA Afternoon Prime series na Asawa Ko, Karibal Ko. Kahit ilang beses na siyang nadapa, lumalaban pa rin siya bilang si Rachel!
Hindi pa rin siya nagpapatalo sa dati niyang asawang si Nathan (Jason Abalos) na ngayon ay kilala na nga bilang ang transwoman na si Venus (Thea Tolentino) sa mga laban pagdating sa career at sa pagmamahal ni Gavin (Rayver Cruz).
Posible pa nga kayang magkaayos ang dalawa o mas titindi pa ang kanilang pag-aaway? Alamin yan sa pagpapatuloy ng Asawa Ko, Karibal Ko sa GMA 7 pagkatapos ng Eat Bulaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.