CERTIFIED kontrabida na talaga ang Kapuso actress na si Sophie Albert na gumaganap bilang Amber sa GMA primetime series na Pamilya Roces.
Kinaiinisan ngayon si Sophie ng mga manonood dahil sa mga nakakalokang eksena niya sa serye bilang kabit ni Hugo (Rocco Nacino) at anak sa labas ni Rodolfo (Roi Vinzon).
Mas lalo pang nabwisit ang viewers sa eksena nang mabuking ng kapatid niyang si Crystal (Carla Abellana) na siya pala ang lover ng asawang si Hugo. At kahit ayaw na ni Hugo sa kanya ay ipinagpipilitan pa rin ni Amber ang kanyang sarili sa asawa ni Crystal.
Tila unstoppable na rin si Amber dahil ayaw na rin sa kanya ng kanyang amang si Rodolfo dahil sa ginawa niyang pagsugod sa mansyon para awayin ang pamilya ni Natalia (Gloria Diaz), ang ina nina Crystal.
Grabe lang ang pagiging desperada ni Amber dahil wala siyang pakialam kung sino ang masasaktan basta maipaglaban lang niya ang lalaking minamahal.
Maayos pa kaya ang kanyang relasyon sa kanyang mga kapatid sa ama? Isuko na kaya niya ang pagmamahal kay Hugo alang-alang sa pagmamahal ng kanyang ama? O, baka may masama pa siyang balak laban kina Hugo at Crystal? ‘Yan ang Abangan sa pagpapatuloy ng Pamilya Roces sa GMA Telebabad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.