Magnolia Hotshots dinaig ang Barangay Ginebra Gin Kings para makuha ang 1-0 semis lead
NAHABLOT ng Magnolia Hotshots ang 1-0 series lead matapos nitong mapigilan ang Barangay Ginebra Gin Kings, 106-98, sa Game One ng kanilang 2018 PBA Governors’ Cup best-of-five semifinals matchup Sabado ng gabi sa Ynares Center, Antipolo City.
Matapos na magtayo ng double-digit advantage sa laro, nalusaw ang kalamangan ng Hotshots sa tatlong puntos, 94-91, may 4:06 ang nalalabi sa ikaapat na yugto bago tuluyang napigilan ang huling ratsada ng Gin Kings para mauwi ang panalo.
Pinamunuan ni Romeo Travis ang Magnolia sa itinalang 37 puntos at 16 rebound.
Nagdagdag si Paul Lee ng 27 puntos habang si Justin Melton ay nag-ambag ng 11 puntos para sa Hotshots.
Nanguna naman si Justin Brownlee para sa Barangay Ginebra sa ginawang 37 puntos at 14 rebounds.
Kumana si Japeth Aguilar ng 18 puntos habang si LA Tenorio ay may 13 puntos para sa Gin Kings.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.