MRT/LRT beep card pwedeng pa-loadan sa ATM
mrt-lrt
INANUNSYO ng AF Payments Inc., ang operator ng beep tap-and-go payment system, na maaari nang magpa-load sa mga automated teller machine ng China Bank.
Nagagamit ang beep card sa pamasahe sa Light Rail Transit Line 1 at 2, Metro Rail Transit 3 at piling pampasaherong bus.
Tinatayang 100 China Bank ATM ang inisyal magpapa-loadan na matatagpuan malapit sa mga train stations at P2P bus terminals.
Nilagyan ng beep sticker ang mga ATM na ito upang mabilis na makilala.
Maaaring mag-load ng mula P100 hanggang P10,000. Agad na madi-debit ang ini-load sa bank account at papasok sa beep card.
“Regardless of amount, each reload carries a minimal fee of P10, which will be waived on the fifth transaction within the same month,” saad ng pahayag ng AFPI.
Mayroong 5 milyong beep card sa merkado ngayon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.