Alden, Mike, Rhian, Solenn wagi sa 2018 COMGUILD Media Awards

TUMANGGAP na naman ng parangal ang mga Kapuso celebrities sa katatapos lang na 2018 COMGUILD Media Awards.

Wagi si Mike Enriquez bilang Best AM Radio Anchor para DZBB habang Best AM Radio Program naman ang Super Balita sa Umaga at Best FM Radio Program naman ang Barangay Love Stories ng Barangay LS 97.1.

Itinanghal na Best Educational Program ang I-Bilib at Best Educational Program Host para rito si Chris Tiu habang wagi naman ang Taste Buddies bilang Best Lifestyle Program at Best Lifestyle Program Host naman sina Solenn Heussaff and Rhian Ramos.

Ang Unang Hirit naman ang napiling Best Morning Show, Best Female Field Reporter of the Year si Marisol Abdurahman at Most Outstanding Female News Presenter of the Year si Vicky Morales para sa 24 Oras.

Nanalo rin si Alden Richards bilang Most Popular Television Personality of the Year.

Napili ang mga awardees ng 2018 COMGUILD Media Awards sa pamamagitan ng pagboto ng 76 na hurado. Ang board of judges na ito ay binubuo ng college deans, chairpersons at iba pang miyembro ng akademya.

q q q

Mauudlot pa ba ang happy ending nina Ricky Davao at Manilyn Reynes? Sa Kapuso romcom series kasi na Inday Will Always Love You (IWALY), habang papunta na sa simbahan ang karakter ni Manilyn na si Marta ay isang hindi inaasahang pangyayari ang magaganap sa nanay ni Inday Happylou (Barbie Forteza): si Marta kasi, nakidnap?!

Ang dumukot sa kanya ay si Martina (Sunshine Dizon), kapatid ng dating abogado ng mga Fuentes na pinapatay ni Amanda noon.

Pa-intense nang pa-intense ang mga kaganapan. Walang bibitaw sa pagpapatuloy ng season two ng Inday Will Always Love You gabi-gabi pagkatapos ng Onanay.