Bryan Revilla nagdalawang-isip sa pagbabalik-showbiz
HULING napanood ang panganay ni Sen. Bong Revilla, Jr. na si Bryan Revilla sa pelikulang “Resiklo.”
Natengga siya sa paggawa ng movie dahil tinapos muna niya ang kanyang pag-aaral.
Nakalabas siya noon sa GMA series na Kamandag at ngayon ay nagbabalik sa big screen sa Imus Productions movie na “Tres” kasama ang mga kapatid na sina Jolo at Luigi Revilla.
Sa action trilogy, bida si Bryan sa “Virgo.” Base sa trailer ng episode, bakbakan at umaatikabong barilan ang handog nga kuwento niya sa istorya.
Eh, sa totoo lang, hindi agad siya napa-oo nang sabihin ng father niyang kasama siya sa pagbabalik ng Imus Productions sa paggawa ng pelikula.
“Hindi kasi ako komportable that time. E, mataba pa rin ako that time. Nagpapayat muna ako bilang preparasyon sa role ko,” sey niya.
No wonder, sa ilang eksenang nakikipagbugbugan siya eh, nakahubad siya, huh!
“Eh, sabi ng tatay ko, perfect ako sa role kaya pumayag akong gawin ang Virgo,” saad ni Bryan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.