MALALAMAN nina Khalil Ramos at Sofia Andres kung kailan ang nararapat na panahon para pakawalan ang isang minamahal sa isa na namang espesyal na episode ng Maalaala Mo Kaya ngayong gabi.
Gusto ni Aldrin (Khalil) na sa kanyang tanang buhay ay isang babae lamang ang kanyang mamahalin. Darating ang babaeng iyon sa katauhan ni Angel (Sofia), ang kanyang college girlfriend.
Bagamat may mga hahadlang sa kanilang relasyon ay hindi nila susukuan ang isa’t isa. Sa kalaunan ay magpapakasal sila at magsisimula ng sarili nilang pamilya.
Subalit darating ang pinakamalaking dagok sa kanilang buhay at pagsasama nang magkaroon ng sakit sa puso si Angel.
Paano haharapin nina Aldrin at Angel ang pagsubok na ito?
Kasama rin sa episode na ito sina Jong Cuenco, Isay Alvarez, Allan Paule, Karen Timbol at Angelo Ilagan.
Ang episode na ito ay sa direksyon ni Paco Sta. Maria at sa panulat nina Arah Jell Badayos at Mae Rose Ba-lanay. Ang MMK ay pinamumunuan ng business unit head na si Roda dela Cerna.
Panoorin ang longest-running drama anthology sa Asya, ang MMK, tuwing Sabado ng gabi sa ABS-CBN.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.