Dong Gun ng Suits pasok na sa ‘Asadal’ ni Joong Ki

SONG JOONG KI AT JANG DONG GUN

Makakasama ni Korean superstar Song Joong Ki ang isa pang sikat na aktor na si Jang Dong Gun, na huling napanood sa hit remake ng US series na Suits sa kanyang bagong K-drama na Asadal.

Kumpleto na ang main cast ng Asadal sa pagpasok ni Dong Gun. Nauna nang inihayag na makakasama rin ni Joong Ki ang isa sa mga sikat na Korean actress na si Kim Ji Won.

Gaganap si Dong Gun sa fantasy period drama bilang Ta Gon, isang war hero na magdadala ng tagumpay sa kanilang bayan.

Samantala, gaganap naman si Joong Ki bilang Eun Sum, na ipinanganak na may kalakasan at galing sa blue star, ngunit magdadala naman ng kapahamakan.

Gaganap naman si Ji Won bilang si Tan Ya, na ang kapalaran ay katulad ni Eun Sum.
Nauna nang nagkasama si Joong Ki at si Ji Won sa Korean blockbuster na Descendants Of The Sun. Nakatakdang ipalabas ang Asadal sa 2019. —Kezia Dominguez, OJT