SINABI ni Special Assistant to the President (SAP) Christopher “Bong” Go na comatose ngayon ang isa sa kanyang mga staff matapos magbaril umano sa sarili sa Davao City, alas-10:45 ng kaninang umaga.
Ayon kay Go ang nagtangka ay nasa late 30s, regular na empleyado sa Davao City mayor’s office.
Idinagdag ni Go na sa loob umano ng stock room ng extension office ng Office of the Mayor nagbaril ang empleyado.
Hindi na binanggit ni Go kung bakit nagtangkang pagpakamatay ang lalaki, bagamat sinabing personal ang dahilan nito.
Ani Go kasama ng lalaki sa San Pedro Hospital kung saan siya isinugod, ang kanyang ka-live in.
Dagdag pa ng opisyal, isang pinagkakatiwalaang empleyado ang lalaki sa health services, na nakatutok sa pagbibigay ng tulong sa mga nangangailangan sa pagpapagamot.
Inaalam pa kung may foul play sa pangyayari.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.